6-13فروری 2026ء تک پاکستان میں روس کے سفارت خانے نے پشاور یونیورسٹی کے طلبہ کے فن پاروں پر مشتمل ایک مصوری نمائش کا اہتمام کیا۔ یہ تقریب روسی سفارت کاروں کے دن (جو ہر سال 10 فروری کو منایا جاتا ہے) کے موقع کی مناسبت سے منعقد کی گئی۔
نمائش کے افتتاح کے موقع پر روسی مشن کی نائب سربراہ نتالیہ شمیلیوا نے روس اور پاکستان کے درمیان ثقافتی و عوامی روابط کے فروغ میں اس نمائش کی اہمیت کو اجاگر کیا۔ انہوں نے روسی سفارت کاروں کے پیشہ ورانہ دن کے اعزاز میں 42 منفرد فن پاروں پر مشتمل اس تقریب کے انعقاد پر یونیورسٹی کی انتظامیہ کا شکریہ ادا کیا۔
پشاور یونیورسٹی کے شعبۂ آرٹ اینڈ ڈیزائن کی سربراہ فائزہ توقیر نے دیگر اساتذہ اور طلبہ کے ہمراہ سفارت خانے کے عملے اور پاکستان میں مقیم روسی شہریوں کو نمائش کا دورہ کرایا۔ نمائش کے شرکاء کو مصوروں سے براہِ راست گفتگو کا موقع بھی ملا۔
تقریب کے اختتام پر یونیورسٹی کے نمائندگان نے پاکستان میں روس کے سفیر البرٹ خوریف سے ملاقات کی۔ اس موقع پر گفتگو کے دوران دونوں جانب نے ثقافت اور تعلیم کے شعبوں میں باہمی مفاد پر مبنی تعاون کو مزید مستحکم بنانے کے عزم کا اظہار کیا
