مارول اسٹوڈیوز کی بلاک بسٹر فلم ’ایونجرز: اینڈ گیم‘ نے دوبارہ تاریخ رقم کردی اور دنیا کی سب سے زیادہ کمائی کرنے والی فلم بن گئی۔
تقریباً پانچ سال بعدمارول کی بلاک بسٹر فلم نےایک بارپھرعالمی باکس آفس پر برتری حاصل کرلی ہے، 2019 میں ریلیز ہونے والی فلم نے دوبارہ سینما گھروں میں نمائش کے بعد دنیا بھر سے مجموعی طور پر دو ارب 93 کروڑ ڈالر کما لیے،یوں اس فلم نے جیمز کیمرون کی فلم ’اوتار‘ کو پیچھے چھوڑ دیا۔
دلچسپ بات یہ ہے کہ یہ اعزاز پہلے بھی ’ایونجرز: اینڈ گیم‘ کے پاس رہ چکا ہے، تاہم 2021 میں دوبارہ ریلیز ہونے کے بعد ’اوتار‘ نے اسے پیچھے چھوڑ دیا تھا۔
’ایونجرز: اینڈ گیم‘ کی دوبارہ ریلیز نے فلم کے عالمی بزنس میں نمایاں اضافہ کیا،مارول کے مداحوں نے اسے ایک بار پھر بڑے پردے پر بھرپور پذیرائی دی
